തൽക്കാൽ സാമ്പാര്

ഓഫീസിൽ നിന്നും വിശപ്പിന്റെ മൂർധന്യത്തിൽ വരിക.
അടുക്കളയിൽ കയറുക.
കേരളത്തിന്റെ തെക്കൻ ജില്ലകളും അവരുടെ സാമ്പാറും ഓർത്തെടുക്കുക.
ഫ്രിഡ്ജ് തുറന്ന്, കറി ഉണ്ടാക്കാൻ എന്താണ് ഉള്ളതെന്ന് നോക്കുക.
അപ്പോൾ, ഒരു വെള്ളരിയും ഒരു ചെറിയ പീസ്‌ മത്തങ്ങയും ഒരു വലിയ തക്കാളിയും കിട്ടും.
അതെടുത്തു നന്നാക്കി, വെള്ളത്തിലിടുക.
കുറച്ചു, പുളിയെടുത്ത് വെള്ളത്തിലിട്ടു വെക്കുക.
അരക്കപ്പ്, പരിപ്പെടുത്ത് കഴുകി, മഞ്ഞപ്പൊടിയും ഉപ്പും ചേർത്ത് കുക്കറിൽ രണ്ടു വിസിൽ വരെ കത്തിക്കുക.
മൂടി തുറന്ന്, മത്തങ്ങ കഷ്ണങ്ങൾ ഇട്ടു കൊടുക്കുക. വീണ്ടും കത്തിക്കുക.
മത്തങ്ങ വെന്തു വരുമ്പോൾ, വെള്ളരി ചെരുക്കഷ്ണങ്ങൾ ആക്കിയതും ഇട്ടു കൊടുക്കുക. കത്തിക്കുക.
മറ്റൊരു അടുപ്പിൽ, ഒരു ചീനച്ചട്ടി/പാൻ വെച്ച്, അതിൽ, എണ്ണ ഒഴിച്ച്, കടുക് പൊട്ടിച്ച്, വേപ്പില ഇട്ട്, കുറച്ച് ഉലുവ ഇട്ട്, 4-5 വറ്റൽ മുളക് ഇട്ട്, 3-6 ചെറുള്ളി ഇട്ട് കുറച്ച് ജീരകം ഇട്ട്, കായം ചേർത്ത് വഴറ്റുക. വഴറ്റുന്നതിനിടയിൽ, ഒന്നര സ്പൂണ്‍ മുളക് പൊടി, ഒരു സ്പൂണ്‍ മല്ലിപ്പൊടി, എന്നിവ ചേർത്ത്, വീണ്ടും ഇളക്കി കൊടുക്കുക.
പുളിയുടെ ചാർ ഒഴിച്ച് കൊടുക്കുക.
ഒന്നിളക്കി, ഇപ്പോൾ കുക്കറിൽ വെന്തു കഴിഞ്ഞതിലേക്ക് ഒഴിച്ച് കൊടുക്കുക.
വേണമെങ്കിൽ, അവസാനം രണ്ടു ചെറുള്ളി ചെറുതായി അരിഞ്ഞ്, താളിചെടുക്കാം.
ഫോട്ടോ എടുക്കാം നേരം ചിത്രത്തിലെ പോലെ ഇലകൾ ഇട്ട് സാമ്ബാരിനെ പോസ് ചെയ്യിപ്പിക്കാം.

ഇങ്ങിനെ ചെയ്തു ഉണ്ടാക്കുന്ന സാമ്പാര് കഴിച്ചു ഉണ്ടാവുന്ന രോഗങ്ങള്ക്ക് ഈ പോസ്റ്റോ, ഫെസ്ബൂക്കോ ഉത്തരവാദി ആയിരിക്കുന്നതല്ല എന്ന് ഇതിനാൽ അറിയിച്ചു കൊള്ളുന്നു.
എന്തെങ്കിലും വിട്ടു പോയിട്ടുണ്ടെങ്കിൽ നിങ്ങള്ക്ക് ചേര്ക്കാവുന്നതാണ്.