കവല പ്രസംഗം

ജെ.എസ്.എസ് ഉടലെടുത്ത സമയം.
ഞങ്ങളുടെ നാട്ടിലെ മൊത്തം തണ്ണി ഉടമയും അയാളുടെ ഫ്രണ്ട് ആയ കടവിൽ ദാസനും (കുടിയോക്കുടിക്കാരൻ) കൂടെ പഞ്ചായത്ത് തല യൂനിറ്റ് രൂപീകരിച്ചു.
അതിന്റെ ഔദ്യോഗിക പ്രഖ്യാപന സമ്മേളനം ഇവർ രണ്ടു  പേരും കൂടെ പഞ്ചായത്ത് ഓഫീസിന്റെ മുന്നില് വൈകീട്ട് മൈക്ക് കെട്ടി നടത്തി.
രണ്ടു പേരും നാട്ടിൽ "അഭിമാനിതർ" ആയതിനാൽ സ്റ്റേജിനു ചുറ്റും കൂടാൻ ആരെയും കിട്ടിയില്ല.
"ജനറൽ" സെക്രട്ടറി പ്രസംഗം തുടങ്ങി.
സത്യത്തിൽ അദ്ദേഹത്തിന് അറിയില്ല ആരാണ് ജെ.എസ്.എസ്. ഉണ്ടാക്കിയത് എന്ന് പോലും.
ജെ.എസ്.എസ്. കാര് പോലും ഈ സമ്മേളനം അറിഞ്ഞിട്ടില്ല.
അയാളുടെ വന്ഗതരം കേള്ക്കാൻ ആളുകള് കൂടി.
പ്രതിപക്ഷ നേതാവിനെ മുഖ്യമന്ത്രി ആക്കിയും തിരിച്ചും അയാള് പ്രസംഗം പൊടിപ്പോടിക്കുന്നു.
ഒരു മണിക്കൂർ ആയിട്ടും നിറുത്താതെ ആയപ്പോൾ ഞങ്ങൾ കുറച്ചു പേര് തീരുമാനമെടുത്തു.
അയാളുടെ അടുത്ത് ചെന്ന് ഒന്നുകിൽ പ്രസംഗം നിറുത്തിക്കുക. അല്ലെങ്കിൽ ആ മൈക്ക് എടുത്തു കൊണ്ട് പോവുക.
പ്രസംഗ പീഠത്തിനു അടുത്തെത്തിയപ്പോൾ ആണ് ഞാൻ ആ കാഴ്ച കണ്ടത്.
പ്രാസന്ഗികൻ മുണ്ട് മടക്കി കുത്തി, ബീഡിയും വലിച്ചു ആണ് ഈ "ഒച്ചപ്പാട്" ഉണ്ടാക്കുന്നത്‌.
എനിക്ക് ചിരി സഹിക്കാൻ പറ്റിയില്ല.